Լոս Անջելեսում ավարտվեց Համահայկական ֆուտբոլի ասոցիացիայի գարնանային հավաքը։ 2011 թվականին ծնված թվով ռեկորդային 70 մասնակիցներից 10 բացառիկ երիտասարդ ֆուտբոլիստներ ընտրվել են 2024 թվականի ամռանը Հայաստանի երիտասարդական հավաքականի կազմին միանալ փորձելու համար։

Այս տարվա ընտրական հանձնաժողովը բաղկացած էր 12-հոգանոց մարզչական խմբից: Որոշիչ մասնակից էր նաև ֆուտբոլի ազգային հավաքականի նախկին հարձակվող, Հյուսիսային Ամերիկայում Հայաստանի ֆուտբոլի ֆեդերացիայում ներկայիս դեսպան Յուրա Մովսիսյանը։

Հայաստանի երիտասարդական հավաքականի փորձարկումները տեղի կունենան այս տարվա հունիս-հուլիս ամիսներին:

Սրտանց շնորհավորում ենք PAYFA 2024 Los Angeles Camp-ի ընտրված խաղացողներին, ինչպես նաև մեր երախտագիտությունը հայտնում բոլոր նրանց, ովքեր մասնակցել են այս միջոցառմանը: